د تنظیف کارکوونکو له لوري د مهترلام ښار د ویالو د پاکولو او د کثافاتو د انتقال چارې ترسره شوې
د مهترلام ښاروالۍ د تخنیکي او مسلکي آمریت ترچتر لاندې
د تنظیف او زرغونتیا مدیریت زیارکښو کارکوونکو له لوري د مهترلام ښار د یو شمیر ویالو د پاکولو ترڅنګ د کثافاتو د انتقال او د کثافت دانیو د پاکولو چارې ترسره شوې
یاده چاره د مامور عزت الله نیازي په مشرۍ ترسره شوه، چې له ویالو او پلچکونو څخه ټول کثافات راویستل شول، او همداراز هغه کثافت دانۍ چې په ساحو کې د کثافاتو له آمله ډکې شوې وي خالي، کثافات یې یو لېرې ځای ته انتقال او د چاپېریالي اصولو مطابق دفن شول
د یادونې وړ ده چې د مهترلام ښاروالۍ د تنظیف ډله د پلان له مخې ټولو ناحیو ته د پاک چاپېریال ساتنې په موخه رسیدنه کوي ترڅو ښاریانو ته یو پاک چاپېریال برابر شي
