د درېیمې ناحیې اړوند د اریک ګدر اوسیدونکو لپاره ګذر وکیل وټاکل شو
د مهترلام ښاروالۍ د ښاري حکومتولۍ د طرزالعمل مطابق ښاغلی سیدالرحمن پرواز د محمد جلال زوی د مهترلام ښار د درېیمې ناحیې اړوند د اریک ګذر اوسیدونکو لپاره د ګذر وکیل په توګه وټاکل شو
د نوموړي د پیژندنې په مراسمو کې د مهترلام ښاروالۍ د ښاري حکومتولۍ امر الحاج عباس عمري ترڅنګ د څارنې او ارزونې آمر الحاج عبدالطیف اخندزاده، د کلتوري او اجتماعي چارو مدیر رضوان الله زماني، د مطبوعاتو او عامه پوهاوي مدیر لعل آغا ابراهیمي، د درېیمې ناحيي مدیر انصار الله او د یادې سیمې اوسیدونکو ګډون کړی وو
د ښاري حکومتولۍ د مسؤلینو له لوري ښاغلي سیدالرحمن پرواز ته د ګذر وکیل د دندو لایحه تشریح شوه او سپارښتنه ورته وشوه ترڅو خپلې چارې د نافذه قوانینو پر اساس پرمخ یوسي
په پای کې وکیل پرواز د مهترلام ښاروالۍ د ریاست مقام تر څنګ د اریک ګذر له اوسیدونکو مننه وکړه چې دی یې د ګذر وکیل په توګه وټاکه
نوموړي د کلي ټولو اوسیدونکو ته ډاډ ورکړ چې د خپل وس مطابق به شپه او ورځ دوی ته خدمت کوي
