د لغمان د اقتصاد رئیس له مهترلام ښاروال سره ناسته وکړه
د لغمان ولایت د اقتصاد رئیس مولوي عطاء الرحمن فاتح د مهترلام ښاروال الحاج مولوي نظر محمد عتیق سره وکتل او د ښار د پراختیا او همکارۍ پر مهمو موضوعاتو یې خبرې وکړې
د ناستې په پیل کې د اقتصاد رئیس نوي ښاروال ته د نوې دندې مبارکۍ مراتب وړاندې کړل او ډاډ یې ورکړ، چې د اقتصاد ریاست به په مهترلام ښار کې د پراختیایي چارو او پروژو د پلي کېدو په برخه کې هر ډول همکاري وکړي
مهترلام ښاروال الحاج مولوي نظر محمد عتیق د اقتصاد رئیس له راتګ او ملاتړ څخه مننه وکړه او له نوموړي یې وغوښتل، چې موسسې وهڅوي تر څو په مهترلام ښار کې بېلابېلې پراختیایي پروژې پلې کړي او د ښار د آبادۍ او پرمختګ لپاره لا زیات کار ترسره شي
د یادونې وړ ده، چې د ناستې په پای کې د اقتصاد رئیس له لوري د مهترلام نوي ښاروال ته د درناوي په توګه د اعزاز لونګۍ هم پر سر شوه
