د مهترلام ښاروالۍ له لوري په رسمي او منظور شويو پلانونو کې د خطاندازۍ چارې په چټکۍ روانې دي
د مهترلام ښاروال الحاج مولوي نظر محمد عتیق د ځانګړې لارښونې پر بنسټ او د تخنیکي او مسلکي چارو آمریت ترچتر لاندې د ښاري خدمتونو مدیریت له لوري په رسمي او منظور شويو پلانونو کې د خلکو د نمرو د تثبیت او خطاندازۍ چارې په منظم ډول جریان لري
د ښاروالۍ اصلاحي او تفصلي پلان مامور انجنیر عبدالواحد محمدي وايي، چې یاده پروسه اوس مهال د مهترلام ښار د څلورمې ناحیې اړوند د څپرو په تفصلي او انکشافي پلان کې جریان لري چې په شاوخوا ۱۵ ورځو کې ۵۰ سلنه خط اندازي شوې ده
هغه زیاته کړه چې د څپرو ( چپرهار) پلان ورړسته به نور ټول منظور شوي پلانونه هم تثبیت او خطاندازي شي
باید ویل شي چې دا هغه نمرې دي چې په تېرو کلونو کې توزیع شوي، خو تر اوسه یې عملي تثبیت نه دی ترسره شوی اوس به د یادې پروسې له بشپړېدو وروسته هر شخص ته خپله نمره په واضح ډول وښودل شي
