د مهترلام ښاروالۍ له لوري په مهترلام ښار کې د اوړو او وریجو د بوجۍ ګانو پایمانه تر سره شوه
د مهترلام ښاروالۍ د لومړۍ ناحيي مدیر ملا عباس ابراهیمي چې د اصنافو رئیس الحاج محمد طالب خپلواک یې ملتیا کوله په مهترلام ښار کې د اوړو او وریجو د بوجۍ ګانو پایمانې تر سره کړې
ملا عباس وویل: د ښاروال الحاج مولوي رحمت الله شهامت په لارښونه مو په مهترلام ښار کې د اصنافو د رئیس په ملتیا د اوړو او وریجو د بوجۍ ګانو وزنونه وکتل، د یو شمیر دوکاندانو د اوړو وزنونه له ټاکلي اندازې یو کیلو او نیم کیلو کم ؤ چې ورته مو سپارښتنه وکړه تر څو خپل وزن برابر کړي
نوموري زیاته کړه، که په راتلونکي کې دوکاندارانو وزن برابر نه کړ دوی به ورسره قانوني چلند وکړي او د یوه میاشت لپاره به یې دوکان مهرلاک کړي
ښاریانو د مهترلام ښاروالۍ او د ناحيي د مدیر ملا عباس ابراهیمي وروستیو فعالیتونه وستایل او وې ویل چې له دې سره په ښار کې اصلاحات راځي
د ویلو ده چې مهترلام ښاروالۍ په ښار کې د ښه نظم تر څنګ د لغمان په مختلفو ساحو کې د بیا رغونې کارونه هم پیل کړې چې ډیری خلکو ته پکې د کار زمینه برابره شوې ده
۱۴۰۲/۱۱/۴
#مهترلام_ښاروالۍ_مطبوعاتو_دفتر
