د کوټی تور اوسېدونکو له مهترلام ښاروال سره وکتل
د لغمان ولایت د کوټی تور سیمې یو شمېر اوسېدونکو له مهترلام ښاروال الحاج مولوي نظر محمد عتیق سره وکتل او د لیدنې په پیل کې یې نوموړي ته د نوې دندې د مبارکۍ مراتب وړاندې کړل، وروسته یې د خپلې سیمې اړوند یو شمېر ستونزې د حل په موخه هم ورسره شریکې کړې
مهترلام ښاروال د راغلو مشرانو هرکلی وکړ او وې ویل، چې ښاروالۍ د خلکو ګډ کور دی او د دې ادارې دروازې د ټولو ښاریانو پر مخ پرانیستې دي
نوموړي زیاته کړه، خلک کولای شي هر وخت ښاروالۍ ته مراجعه وکړي او خپلې ستونزې په مستقیم ډول ورسره شریکې کړي
ښاروال همداراز وویل، چې د مشرانو له باور څخه منندوی دی او هڅه به وکړي، چې د دغه باور د ساتلو لپاره د مهترلام ښار د آبادۍ او پراختیا په برخه کې نه ستړې کېدونکې هلې ځلې ترسره کړي
