مهترلام ښاروالۍ د ښاري پاکوالي لپاره ۲۶ نوې کثافت دانۍ جوړوي

web_admin
Mon, Jun 23 2025 11:06 AM
قرارداد

د پاک او منظم ښاري چاپېریال د رامنځته کولو په موخه، د مهترلام ښاروالۍ له لوري د ښار په مختلفو برخو کې د ۲۰ فلزي او ۶ کانکریټي غټو کثافت دانیو د جوړولو او نصبولو چاره ترسره کېږي
مهترلام ښاروال الحاج مولوي رحمت الله شهامت وویل: نعمان عبدالحد رحیمي ودانیز شرکت په داوطلبۍ کې د شل فلزي او ۶ کانکریټي غټو کثافت دانیو جوړولو په موخه ۹ سوه ۱ دیرش زره افغانۍ نرخ ورکړی ؤ چې د ارزیابي کمیټې له تائید وروسته نوموړی ګټونکی وپیژندل شو او نن ورسره قرارداد لاسلیک شو
ښاروال د قرارداد د لاسلیک پر مهال د شرکت مسؤل ته سپارښتنه وکړه چې کثافت دانۍ د کیفیت له پلوه قوي، د کار وړ او د ښاري اړتیاوو سره سمې جوړې کړي
نوموړي زیاته کړه چې شرکت باید کثافت دانۍ د قرارداد له مخې په دوو میاشتو کې بشپړې او ښاروالۍ ته وسپاري
د دې پروژې له تطبیق سره به د مهترلام ښار په ګڼ شمېر سیمو کې د کثافاتو د راټولولو ظرفیت لوړ شي، د ککړتیا مخه به ونیول شي، او ښاریانو ته به یو پاک او روغتیايي چاپېریال برابر شي

Latest news

Sun, Nov 30 2025 6:31 AM
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

Sun, Nov 30 2025 6:26 AM
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

Thu, Nov 27 2025 8:04 AM
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS