په مهترلام ښار کې د پاک چاپېریال ساتنې په موخه د عامه پوهاوي بنرونه ولګول شول

web_admin
Sat, Sep 06 2025 10:20 AM
بنرونه

د مهترلام ښاروالۍ د ښاري حکومتولۍ د مطبوعاتو او عامه پوهاوي مدیریت له لوري د پاک چاپېریال ساتنې او د ښار د زرغونتیا د هڅونې په موخه د ښار په مهمو درې لارو او چوکونو کې د عامه پوهاوي بنرونه ولګول شول

یاد بنرونه چې په بېلابېلو شعارونو سمبال دي، د ښاري حکومتولۍ امر، الحاج عباس عمري، په حضور کې ولګول شول
ښاغلي عمري د بنرونو د لګولو پر مهال له ټولو ښاریانو وغوښتل، چې د ښار په پاک ساتلو کې له ښاروالۍ سره پوره همکاري وکړي

نوموړي زیاته کړه، چې ښاریان باید خپل کثافات د ښاروالۍ له لوري په ټاکل شوو کثافت‌دانیو کې واچوي، څو د ښاروالۍ د تنظیف کارکوونکي یې په منظم ډول لرې ځای ته انتقال او د چاپېریالي اصولو مطابق دفن کړي

د یادونې وړ ده چې د یادو بنرونو لګولو هدف د عامه پوهاوي لوړول، د ښاریانو په منځ کې د چاپېریالي مسؤلیتونو ترویج او د مهترلام ښار د لا زرغونتیا لپاره ګډ کار کول دي

Latest news

Sun, Nov 30 2025 6:31 AM
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

Sun, Nov 30 2025 6:26 AM
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

Thu, Nov 27 2025 8:04 AM
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS