د قبایلو ریاست مخې ته د سړک د کانکریټ اچونې چارې دوام لري
د مهترلام ښاروالۍ له داخلي بودیجې د لغمان قبایلو ریاست مخې ته د سړک د کانکریټ اچونې پروژې چارې د پلان له مخې په منظم شکل جریان لري، چې په شاوخوا دوه اوونیو کې به یې کارونه بشپړ او ګټې اخیستنې ته وسپارل شي
مهترلام ښاروالۍ انجینیران له یادې پروژې څخه وخت پر وخت نظارت کوي، څو د کار کیفیت خوندي وساتل شي او چارې د تخنیکي اصولو مطابق پر مخ لاړې شي
په دغه پروژه کې په ورځني ډول ۲۰ کسانو ته د کار کولو زمینه برابره شوې، یاد کاریګر خوشاله دي او د مهترلام ښاروالۍ ریاست مقام څخه مننه کوي چې په خپل وطن کې یې ورته کاري فرصت برابر کړی دی
د یادونې وړ ده چې د دې پروژې له بشپړېدو سره به د سیمې خلکو ته د تګ راتګ اسانتیاوې برابرې شي، ترافیکي ستونزې به راکمې شي، او د سړک د چاپېریال وضعیت به هم ښه شي، چې دا چاره به د ښاري نظم او پرمختګ په برخه کې یو بل ګټور ګام وي
