د لومړۍ ناحيي اړوند نهم ګذر لپاره ګذر وکیل وټاکل شو
د مهترلام ښاروالۍ د ښاري حکومتولۍ عمومي ریاست د طرزالعمل مطابق ښاغلی عبدالحنان د مهترلام ښار د لومړۍ ناحیې اړوند نهم ګذر اوسیدونکو لپاره ګذر وکیل وټاکل شو
د نوموړي د پیژندنې په مراسمو کې د مهترلام ښاروالۍ د ښاري حکومتولۍ امر الحاج عباس عمري ترڅنګ د ښاروالۍ یو شمیر مدیرانو او د یادې سیمې اوسیدونکو ګډون کړی وو
د ښاري حکومتوالۍ د مسؤلینو له لوري ښاغلي عبدالحنان ته د ګذر وکیل د دندو لایحه تشریح شوه او سپارښتنه ورته شوه ترڅو خپلې چارې د نافذه قوانینو پر اساس پرمخ یوسي
په پای کې وکیل عبدالحنان د مهترلام ښاروالۍ د ریاست مقام تر څنګ د نهم ګذر له اوسیدونکو مننه وکړه چې دی یې د ګذر وکیل په توګه وټاکه
نوموړي د کلي ټولو اوسیدونکو ته ډاډ ورکړ چې د خپل وس مطابق به شپه او ورځ دوی ته خدمت کوي
