د مهترلام ښاروالۍ او اصنافو ترمنځ د ښاري نظم او پاکوالي په موخه د همغږۍ ناسته ترسره شوه
د مهترلام ښار د پاکوالي او ښاري نظم په موخه، مهترلام ښاروال الحاج مولوي نظر محمد عتیق د ښاروالۍ د امرینو په ملتیا، د ښار د مارکیټونو له مسؤلینو او اصنافو سره د همغږۍ ناسته ترسره کړه
په یاده ناسته کې ښاروال د مارکیټونو مسؤلینو او اصنافو ته د ښه راغلاست ترڅنګ ښاروالۍ د ټولو ګډ کور یاد کړ او له یادو ګډونوالو یې وغوښتل چې د ښار پاکوالي او ښاري نظم ته ځانګړې پاملرنه وکړي او په دې برخه کې له ښاروالۍ سره همکاري وکړي
نوموړي همداراز د مارکیټونو مسؤلینو او اصنافو ته سپارښتنه وکړه چې د خپلو دوکانونو مخې ته سیارې کثافتدانۍ ولګوي او کثافات په منظم ډول په یادو کثافتدانیو کې واچوي، ترڅو د ښاروالۍ د تنظیف کارکوونکي یې یو لېرې ځای ته انتقال او دفن کړيپه ناسته کې د مارکیټونو مسؤلینو او اصنافو په وار سره خبرې وکړې، د ښاروالۍ فعالیتونه یې وستایل او خپلې یو شمېر ستونزې او غوښتنې یې د حل په موخه شریکې کړې
