د ښاروالۍ له شعباتو څخه څارنه وشوه
د کارونو د منظم او شفاف پرمخ وړلو او همداراز د مراجعینو ستونزو ته پر وخت د رسېدنې په موخه، مهترلام ښاروال الحاج مولوي رحمت الله شهامت د ښاروالۍ له بېلابېلو شعباتو څخه لیدنه وکړه
په یاده لیدنه کې ښاروال د شعباتو له آمرینو، مدیرانو او مامورینو سره خبرې وکړې او په هغوئ یې ټینګار وکړ چې خپل ورځني چارې د اصولو او لایحو مطابق، په شفاف او منظم ډول ترسره کړي او د مراجعینو ستونزو ته پر وخت رسېدنه وکړي
ښاروال همداراز د کارکوونکو هڅې وستایلې او سپارښتنه یې وکړه چې د خلکو د خدمت په برخه کې لا زیات مسوولیت احساس او همغږي ولري، تر څو د ښاروالۍ خدمات په ښه ډول وړاندې شي
د یادونې وړ ده چې د مهترلام ښاروالۍ رهبري وخت پر وخت د نورو چارو ترڅنګ د ښاروالۍ له اړوندو شعباتو څخه څارنه کوي، ترڅو د چارو بهیر لا ښه، چټک او اغېزمن اوسي
