مهترلام ښاروال د ښاروالۍ له دوه مهمو پروژو څخه لیدنه وکړه
مهترلام ښاروال الحاج مولوي رحمتالله شهامت چې د ښاروالۍ مسلکي او تخنیکي امر انجنیر زاهد الله مجددي یې ملتیا کوله د ښاروالۍ دوه رغنیزو پروژو د حاجیانو د سرک جوړیدنې او د دارالمعلمین په مسیر د چړايي کارونو څخه د کار د ښه کیفیت او تطبیق په موخه لیدنه وکړه
ښاروال په دواړو پروژو کې د کار په ښه کیفیت ټینګار وکړ او وې ویل، چې کارونه باید د تخنیکي معیارونو مطابق، پر وخت او له هر ډول نیمګړتیا پرته ترسره شي، نوموړي د پروژې مسؤلین موظف کړل چې د پروژو کیفیت ته جدي پاملرنه وکړي او د ښاریانو رضایت وساتي
د یادونې وړ ده چې دواړه پروژې د مهترلام ښاروالۍ له داخلي بودیجې تمویلېږي، او د ښار د پرمختګ او ښاري اسانتیاوو د پراختیا په برخه کې مهم رول لري. همداراز، په دغو پروژو کې لسګونو کسانو ته د کاري فرصتونو زمینه هم برابره شوې ده
