په دویمه ناحیه کې د شاپینګ مال مزایده په بریالیتوب ترسره شوه
د مهترلام ښار په دویمه ناحیه کې د ښاروالۍ اړوند سوداګریز مارکیټ (شاپینګ مال) نن د میاشتني کرايي په موخه د درېیو داوطلبانو ترمنځ په شفاف ډول په مزایده کې وړاندې شو
یاده مزایده د مهترلام ښاروالۍ د ټاکل شوې کمیټې په حضور کې د تدارکاتو او خدماتو د قانون مطابق په خپل ټاکلي وخت پیل شوه. په پایله کې، عرفان الله منګل ولد حاجي محب الله منګل د میاشتې په ۵۷ زره افغانۍ لوړ نرخ ورکولو سره د یاد مارکیټ ګټونکی اعلان شو
د یادونې وړ ده چې د کارونو د بشپړې شفافیت لپاره، د مهترلام ښاروالۍ ټول ملکیتونه هر کال د عامو داوطلبانو لپاره اعلان ته سپارل کېږي او د قانوني اصولو مطابق مزایده کېږي
