د لومړۍ ناحیې مدیریت له لوري د کورونو او بلاکونو د لوړې کرایې د مخنیوي په موخه له ګذر وکیلانو سره ناسته وشوه
د مهترلام ښاروالۍ د لومړۍ ناحیې مدیریت له لوري د یادې ناحیې له ګذر وکیلانو سره د کورونو او بلاکونو د کرایې زیاتوالي د مخنیوي په موخه یوه مهمه د همغږۍ ناسته ترسره شوه
په دې ناسته کې د لومړۍ ناحیې مامور اجملخان خروټي وویل، چې د ګذر وکیلانو ترمنځ یې یوه کمېټه جوړه کړې ده، ترڅو په خپلو اړوندو ګذرونو کې د کورونو او بلاکونو د کرایې د لوړوالي مخه ونیسي.
نوموړي زیاته کړه، چې یاده کمېټه به د خپلو ترسره شویو اقداماتو راپورونه په منظم ډول له لومړۍ ناحیې مدیریت سره شریکوي
اجملخان خروټي همداراز ټینګار وکړ، چې د ناحیې مدیریت هڅه کوي تر څو د ښاریانو، په ځانګړي ډول له پاکستان او نورو هېوادونو څخه راستنو شویو افغانانو، لپاره د استوګنې اسانتیاوې برابرې شي او د کرایې له غیرمنطقي لوړوالي څخه مخنیوی وشي
د یادونې وړ ده چې د مهترلام ښاروالۍ د ناحیو مدیریتونه د ښاریانو د ستونزو د حل او د ټولنیز ثبات د ټینګښت په موخه وخت پر وخت له ګذر وکیلانو سره ناستې ترسره کوي
