د مهترلام ښاروالۍ د مشورتي بورد نوبتي ناسته ترسره شوه
د مهترلام ښاروالۍ مشورتي بورد له معمول سره سم، یکشنیه د ۱۳۹۹سرطان د میاشتې په (۱۵) نیټه خپله نوبتي غونډه تر سره کړه، چې د ښاري پرمختګونو، د خدماتو پر ښه والي، له روانو پروژو څخه د ښه څار او د ولس ملاتړ په تړاو او ترڅنګ یې د ښاریانو له لوري د رهایشي کورونو او محصول صفایي د نه تحویل اندیښنې وې چې له مشورتي بورد او د ځوانانو بورد غړو سره پرې ناسته ترسره شوه.
له اجنډا سره سم مهترلام ښاروال انجنیر نظیف الله الکوزي د مشورتي د بورد له غړو د ښار د ښه پرمختګ، د رغینز بهیر د چټکتیا، د مهترلام ښاروالۍ د رهبرۍ له اړخه د نویو پروژو په پلي کیدا او ترڅنګ یې د ښاریانو په ستونزو او صفایي د محصول د نه تحویلۍ په تړاو بحث او خبرې وکړي
مهترلام ښاروال وویل: دا چې ښاروالۍ یوه تصدي اداره، خدمات د خپلو راټولو شویو عوایدو دلاسته روړلو په بنا ترسره کوي، ښاروالۍ خدمات وړاندې کړي او ښاریان باید مهترلام ښاروالۍ ته د پاکۍ محصول تحویل کړي،
مهترلام ښاروال له مشورتي بورد او د ځوانانو له بورد څخه غوښتنه وکړه چې د مهترلام ښاروالۍ له حمایوي پروګرام ( کارموندنې) څخه ملاتړ او په سیمه کې د ټولنیزو ستونزو د حل په برخه کې مرسته وکړي.
ورپسې سکتوري امر د ښاروالۍ د رغنیزو پروژو په روان کاري بهیر رڼا واچوله او د ۱۳۹۹ مالي کال د ټولو پروژو په اړه یې د مجلس ګډونوالو ته معلومات وړاندې کړه.
وروسته د مهترلام ښاروالۍ د حمایوي پروګرام (کارموندني) ولایتي مسوول د خپلو لاسته روړنو کاري راپور مجلس ته وړاندې او د کاروندني د پروګرام اهداف یې ګډونوالو ته روښانه کړه.
په ورته مهال د مشورتي بورد غړو، ګذر وکیلانو او د ځوانانو بورد غړو د مجلس په اجنډا بحث وکړ، د چارو د لا ښه سنبالښت لپاره یې د مهترلام ښاروالۍ له رهبرۍ سره لازم تصامیم ونیول او د ښاروالۍ کړنې یې په خدماتي برخه کې مثبتې یادې کړي، هغوۍ کړه: موږ به ښاریانو ته او د ښار په مساجدو کې ولسونو ته د محصول د صفایي د ورکړې عامه پوهاوی ترسره کړو، ترڅو ښاریانو ته ښه خدمات وړاندي شي.
له بحث او د نظریاتو وروسته غوڼده په دوعايې او تصمیم نیونې پای ته ورسیده.
مهترلام ښاروالۍ
