د مهترلام ښاروالۍ نوبتي اداري ناسته ترسره شوه
د مهترلام ښاروالۍ د چارو د لا ښه سمون او منظم پرمختګ په موخه، د ښاروال الحاج مولوي رحمت الله شهامت په مشرۍ نوبتي اداري ناسته ترسره شوه
په دې ناسته کې چې د ښاروالۍ ټول امرین او مدیران ګډونوال وو، په پیل کې د تېرې ناستې راپور واورېدل شو او د ترسره شویو فعالیتونو پر وړاندې پرمختګونه او نیمګړتیاوې وڅېړل شوې
ښاروال په خپلو خبرو کې د هغو چارو ستاینه وکړه چې په بریالیتوب سره عملي شوي وو، او په عین وخت کې یې د ځینو کمزوریو د اصلاح لپاره لارښوونې وکړې
په پای کې، د ښاروال له لوري یو شمېر امرینو او مدیرانو ته مشخصې دندې وسپارل شوې ترڅو تر راتلونکې ناستې پورې یې بشپړې کړي او د پرمختګ راپور له رهبري سره شریک کړي
