د مهترلام ښار له پارکونو او ګلدانونو څخه نظارت ترسره شو

د نیکمرغه لوی اختر له رخصتیو وروسته، د مهترلام ښاروال الحاج مولوي نظر محمد عتیق د ځانګړې لارښونې له مخې د زرغونتیا مدیریت مامور ریحان الله اریان د مهترلام ښاروالۍ له پارکونو، ګلدانونو او شنو ساحو څخه لیدنه او نظارت ترسره کړ

په یاده لیدنه کې نوموړي د زرغونتیا کارکوونکو هڅې وستایلې او څرګنده یې کړه، چې د اختر په شپو او ورځو کې یې خپلې دندې د ټاکلي پلان له مخې په ښه ډول ترسره کړې دي، چې له امله یې پارکونه، ګلدانونه او شنې ساحې تازه او منظم ساتل شوې دي

نوموړي همداراز اړوندو کارکوونکو ته سپارښتنه وکړه، چې د هوا د تودوخې له زیاتوالي سره سم خپلې چارې لا چټکې او منظمې ترسره کړي، ترڅو پارکونه، نیالګي، ګلان او چمنونه زرغون او تازه پاتې شي