د دویمې ناحیې مدیریت له لوري له ګذر وکیلانو سره د باقیاتو راټولولو په موخه ناسته ترسره شوه
د مهترلام ښاروالۍ د دویمې ناحیې مدیریت له لوري د یادې ناحیې له ګذر وکیلانو سره د همغږۍ ناسته ترسره شوه، چې موخه یې د ښاري خدماتو د تعرفو د وېش او د پاتې محصولاتو راټولول وو
په یاده ناسته کې د دویمې ناحیې مدیر حاجي محمد حسین الکوزي له ګذر وکیلانو وغوښتل چې په خپلو اړوندو ګذرونو کې د ښاروالۍ له کارکوونکو سره د تعرفو د وېش او د باقیاتو د راټولولو په برخه کې همکاري وکړي
نوموړي وویل، دا چې مالي کال وروستۍ ربعه ده، نو ښاریان باید خپل ښاري خدمات پر وخت تحویل کړي، تر څو د ښار د پرمختیایي او خدماتي چارو بهیر لا چټک شي.
ګذر وکیلانو د ناستې پر مهال خپلې یو شمېر ستونزې او وړاندیزونه شریک کړل او ډاډ یې ورکړ چې د ښاروالۍ له کارکوونکو سره به په خپلو ګذرونو کې بشپړه همکاري کوي
د یادونې وړ ده چې سږکال مهترلام ښاروالۍ د ۱۰۳ میلیونه افغانیو په ارزښت په مهترلام ښار کې ۱۲ د بیارغونې پروژې پلې کوي، چې په یادو پروژو کې به ډیری خلکو ته د کار کولو زمینه هم برابره شي
