د مهترلام ښاروالۍ اداري ناسته ترسره شوه
یاد مجلس نن شنبه د میزان میاشتې په یوويشتمه نېټه دمهترلام ښاروالۍ په مقر کې د قرانکریم د مبارکو ایاتونو په تلاوت سره پیل شو
پرانیستونکې وینا مهترلام ښاروال انجینر نظیف الله الکوزي وکړه د تېرو مجالسو او دندو په اړوند یې معلومات ورکړل اود مجلس ګزارش یې واوریده
ورپسې د انکشافي پروژو د کارونو پر بهیر له اړونده مدیریتونو سره د ستونزو د حل په برخه کې معلومات تبادله شو مربوطه مدیرانو او په مجموع کې د ښاروالۍ پرسونل ته لازم هدایات ورکړل شو دا چې د ګرمي په موسم کې کارونه يو څه اندازه ځنډیدلې وه د هوا په ښه کېدو سره باید ګړندي شي
په ښار کې د کثافاتو او د تنظیف د چارو ښه سمون په برخه کې باید د کار وخت په دوو برخو ووېشل شي تر څو وکولای شو ښار پاک وساتو چې په دې برخه کې د ښاریانو مرسته ډیره اړینه ده او باید فاضله مواد په هغه مشخص شویو ځایونو کې واچول شي چې د ښاروالۍ له لوري تثبیت شوي دې
همدارنګه هغه پروژي چې د مالي امکاناتود نه شتون له امله یې رغنیزې چارې دریدلي دې اړوند ستونزې حل شوي او خپل کاري بهیر به بیرته پیل کړي
مهترلام ښاروالۍ دا تعهد لري تر څو د معیاري خدماتو په وړاندې کولو سره ښاریانو ته د هوسا ژوند زمینه برابره کړي نو د ښاریانو له همکارۍ پرته دغه چاره ممکنه نده د ښاریانو څخه زموږ خواهش دادی تر څو له ښاروالۍ سره مرستندویه اووسي
د مجلس په پای کې د پرسونل ترمنځ د ستونزو د حل په برخه کې د نظر تبادله وشوه او تصمیم ونیول شو تر څو په پوره همکارۍ او هماهنګۍ سره ورسپارل شوې دندې پرمخ یووسي او هیوادوالو ته د خدمت جوګه شي
غونډه په دعایې سره پای ته ورسېده
په درنښت
مهترلام – ښاروالۍ
