د مهترلام ښار د پنځمې ناحيې اړوند د سرک په عمومي ګلدان کې زینتي بوټي او ګلان کېنول شول
د مهترلام ښاروالۍ له لوري د مهترلام ښار د پنځمې ناحيې اړوند د سرک په عمومي ګلدان کې د یادې سیمې د ښکلا او زرغونتیا په موخه زینتي بوټي او ګلان کېنول شول
د یادو ګلانو او زینتي بوټو د نهال پر مهال مهترلام ښاروال الحاج مولوي رحمت الله شهامت وویل، چې د ګلانو او زینتي بوټو په کرلو سره د یادې سیمې ښکلا او زرغونتیا زیاتیږي
همداراز نوموړي زیاته کړه، چې دوی سږکال د مهترلام ښار د سرسبزه کولو په موخه د ۸ زره میوه لرونکو او غیرې میوه لرونکو نیالګیو د کېنولو لړۍ هم پیل کړې چې د مهترلام ښار په ټولو ناحیو کې به په منظم شکل نهال کړل شي
د یادونې وړ ده چې مهترلام ښاروالۍ هرکال د مهترلام ښار د زرغونتیا په موخه د ښار په مختلغو ساحو کې نیالګي کېنوي
