د ښاري حکومتولۍ آمریت له لوري د مهترلام ښار د قصابانو تعقیب ترسره شو
د مهترلام ښاروالۍ د ښاري حکومتولۍ آمریت له لوري د پاک چاپېریال ساتنې او د ښاریانو د روغتیا خوندیتوب په موخه د مهترلام ښار د قصابانو تعقیبي بهیر ترسره شو
دا تعقیب د ښاري حکومتولۍ آمر الحاج عباس عمري، د تخنیکي او مسلکي آمر انجنیر زاهد الله مجددي او د پنځمې ناحیې مدیر محمد منیر فاروق له لوري ترسره شو
په دې تعقیب کې له قصابانو څخه د پخواني ورکړل شوي عامه پوهاوي د تطبیق څارنه وشوه
د ښاري حکومتولۍ آمر له قصابانو مننه وکړه چې نظافت ته یې جدي پاملرنه کړې، د غوښو د ساتنې لپاره یې پلاستیکي پوښونه کارولي او د چاپېریال ساتنې اصول یې مراعت کړي دي.
نوموړي ټینګار وکړ چې دا بهیر به دوام ولري او وخت پر وخت به تعقیب ترسره کېږي، تر څو ښاریان له پاک او سالم چاپېریال څخه برخمن پاتې شي
