د ګذر ولسي خبرې اترې!

ناپیژنده (not verified)
سه‌شنبه ۱۳۹۹/۸/۶ - ۱۲:۱۲
مهترلام ښاروال

دغه غونډه د سیمه ایزو ارګانونو د اداري د ښاروالیو چارو معنییت دښاري حکومتوالۍ عمومي رياست د هدایاتو په اساس نن په مهترلام ښاروالۍ کې ترسره شوه چې د مهترلام ښاروال انجنیر نظیف الله الکوزي سربیره د پوهنې ریاست مرستیال صلاح الدین خالد، د روغتیا ریاست استازي ډاکټر محمد طالب صافي، د اوبو رسولو امر روح الله امین، د مخابراتي خدماتو ولایتي استازي کفایت الله ولسمل، د مهترلام ښاروالۍ مشورتي بورد غړو، د ګذر وکیلانو، ځوانانو، د مدني

 

ټولنو استازو او ژورنالیستانو پکې ګډون درلود

ولسی خبرې اترې

د یادې غونډې د پرانستې وینا مهترلام ښاروال انجنیر نظیف الله الکوزي وکړه، د غونډې اهداف یې ګډونوالو ته تشریح کړه او ترڅنګ یې د مهترلام ښاروالۍ په کړنو رڼا واچوله.

مهترلام ښاروال په خپلو خبرو کې وویل: دا چې مهترلام ښاروالۍ د څو ځله د افغانستان په سطحه ښه امتیاز اخستی او ښه خدمات یې ولسونو ته وړاندې کړي دي او زه او زما کاري پرسونل دغه خدماتو ته ژمن یو، مهترلام ښاروالۍ د ولسونو کور ده، موږ ولس او مهترلام ښاریانو ته په ډاډه زړه خدمات وړاندې کوو او نورو ټولو اداراتو مو هیله ده چې د ولسونو ستونزو او اولیتونو ته رسیدنه وکړي او هر حقه غږ ته یې لبیک ووایي.

ورپسې د پوهنې ریاست مرستیال صلاح الدین خالد په خپلو کړو خدماتو رڼا واچوله او ولس سره یې شریک کړه او له ولسه یې غوښتنه وکړه چې په یاده برخه کط ورسره همکاري وکړي.

وروسته د روغتیا ریاست استازي، د اوبو رسولو امر او د مخابراتو ولایتي استازي په خپلو کړو خدماتو رڼا واچوله او د تیرو څو کلونو کړنې یې له ولسونو سره شریکې کړې، په دغو معلوماتو کې د یادو ادارو ښه خدمات او د هغوۍ ستونزې هم شاملې وې.

له اجنډا سره سم د غونډې په دویمه برخه کې د ګذر د وکیلانو، د مدني ټولنو له استازو، مشورتي بورد غړو او د رسنیو د استازو له لوري یو شمیر غوښتنې، پوښتنې، نظریاتو د اداراتو له مسولینو سره شریک شول چې په ورته وخت کې ورته د مسولینو له لوري مثبت ځوابونه وویل شول او له هغه ستونزې چې په اداراتو کې وې، د حل په موخه یې ولسونو ته ډاډ ورکړل شو.

پای کې راغلو ولسونو د مهترلام ښاروالۍ له رهبرۍ مننه وکړه چې له چارواکو سره یې د ولسونو د مخامخ خبرو اترو غونډه برابره کړې ده او خپلې ستونزې یې برای راست له چارواکو سره شریکې کړې.

غونډه په دعا سره پای ته ورسیده.

#مهترلام_ښاروالۍ_مطبوعاتي_څانګه

تازه خبرونه

یکشنبه ۱۴۰۴/۹/۹ - ۶:۳۱
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

یکشنبه ۱۴۰۴/۹/۹ - ۶:۲۶
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

پنجشنبه ۱۴۰۴/۹/۶ - ۸:۴
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS