له بارانونو او سیلابونو وروسته مهترلام ښار پاک او منظم شو

بېګا شپه د سختو بارانونو او راغلو سیلابونو له امله مهترلام ښار د کثافاتو، خځلو او خټو له ډکېدو سره بې نظمه شوی وو، چې د مهترلام ښاروالۍ د تنظیف زیارکښو کارکوونکو له لوري یې په بیړه د تنظیف چارې سره شوې او ښار په بشپړ ډول پاک شو
په دې پاکونه کې د ښار له کوڅو، سړکونو او عامه ځایونو څخه ټولې خځلې، خټې او نور کثافات را ټول او لیرې کړل شول
مهترلام ښاروال الحاج مولوي رحمت الله شهامت د یادو کارکوونکو له هڅو ستاینه وکړه او زیاته یې کړه چې ښاروالۍ به تل هڅه کوي د ستونزمنو حالاتو پر مهال هم په وخت اقدامات ترسره کړي او د خلکو د ژوند اسانتیاوې تامین کړي
د یادونې وړ ده چې د ښار د پاکوالي او ښکلا ساتنه د ښاروالۍ د کارکوونکو ترڅنګ د ټولو ښاریانو ګډ مسوولیت دی