مهترلام ښاروال مجاهد رحمت زي، د ښاري کمېسيون غړو سره ناسته وکړه
په دې ناسته کې مهترلام ښاروال، د ښاري انظباط نوې ګمارل شوې ډله د کمېسيون استازو ته ورپېژندله، د دوی د جوړولو پر اړتیا يې خبرې وکړې او بيا يې د ښاروالۍ نوې ښاري برنامې د کمېسيون غړو سره شريکې کړې.
ددې ترڅنګ د مهترلام ښاروال مجاهد رحمت زي په مهترلام ښار کې شته بې نظمي، د ښار پاکوالي کمښت او د ښاري کمېسيون ترمنځ د ښې همغږۍ نشتوالي باندې بحث او خبرې وکړې.
بيا په وار سره د لومړۍ حوزې امر، د ترافیکو، ترانسپورټ، محیط زیست، اصنافو او د مسافر وړونکو اتحاديې استازو، دغه راز د لاس پلورونکو نماينده او د ښاروالۍ د لومړۍ ناحيې مدير خبرې وکړې.
دوی ستونزې، مشکلات، وړانديزونه او لاسته راوړنې د ناستې ګډونوالو سره شريکې کړې.
په پای کې پريکړه وشوه، چې ياد کمېسيون به خپلې چارې چټکوي، د ښاري نظم راوستلو، د هډو تنظيم او پاکوالي په برخو کې به لازم اجرات کوي
