په مهترلام ښار کې د ډاکټر محمد ظاهر پارک د خړوبولو لپاره د ویالې جوړولو چارې پیل شوې

د مهترلام ښاروال، الحاج مولوي رحمت الله شهامت، په ځانګړې لارښونه د ښاروالۍ د تنظیف او سرسبزۍ مدیریت له لوري د ډاکټر محمد ظاهر پارک د نیالګیو او شنو ساحو د خړوبولو لپاره د یوې ویالې د کېندلو او جوړولو چارې پیل شوې
د تنظیف او سرسبزۍ مامور، انجنیر ریحان الله اریان، وویل چې د یادې ویالې په جوړېدو سره به د پارک د اوبو رسولو بهیر لا منظم او اسانه شي او د نیالګیو او شنو ساحو د دوامدار خړوبولو ستونزه به په اساسي ډول حل شي
نوموړي زیاته کړه چې د اوبو د رسولو د سیستم د پیاوړتیا ترڅنګ د ښاروالۍ له لوري د پارکونو د ښکلا او معیاري کولو په موخه د ډیزاین وهلو چارې هم پیل شوي، چې په ټولو پارکونو کې به په تدریجي ډول عملي شي
د مهترلام ښاروالۍ کوښښ او هلې ځلې دا دې چې د ښاریانو لپاره پاک، سمسور او منظم چاپېریال برابر کړي