د مهترلام ښاروال مجاهد رحمت زي په لارښوونه، د ښاروالۍ مسولینو په مهترلام ښار کې شپنی کمپاین وکړ، د ښار پلې لارې یې خلاصې کړې او د ښار ځینې برخې یې پاکې کړې
په دې کمپاین کې د ښاروالۍ لومړۍ ناحیې سربیره، د تنظیف مدیریت او د ښاري انظباط ډلې برخه درلوده. دوی د شپې تر ناوخته ښار پاک کړ، سړکونه یې پرېمنځل، د هټیو له مخې یې اضافي شیان لیرې کړل او پلې لارې یې د ښاریانو پرمخ خلاصې کړې.
مهترلام ښاروالۍ پلان لري، چې په مهترلام ښار کې پلچکونه ورغوي، د موټرو هډې تنظیم کړي، تم ځایونه او د ښار عمومي دروازه جوړه کړي، خځل ځایونه مشخص کړي، لاس پلورونکو لپاره مناسب ځایونه وټاکي، په ښآر کې ځانګړې غرفې او کپې جوړې او له پخوا ښآر ډير منظم کړي
