مهترلام ښاروال د ښاروالۍ والیبال لوبډله وستایله
د لغمان ولایت د سراج بڼ په ورزشي میدان کې د ۱۶ والیبال لوبډلو ترمنځ ترسره شویو سیالیو کې د مهترلام ښاروالۍ والیبال لوبډلې د اتلولۍ جام ګټلی و، چې نن د لوبډلې له لوري یاد کپ مهترلام ښاروال الحاج مولوي نظر محمد عتیق ته ډالۍ شو
کپ د لوبډلې منیجر ډاکټر همایون لغماني او د ښاروالۍ د ښاري حکومتولۍ آمر الحاج عباس عمري په لاسونو ښاروال ته وسپارل شو
په همدې مناسبت مهترلام ښاروال د لوبغاړو دا بریا وستایله، هغوی ته یې د مبارکۍ مراتب وړاندې کړل او په راتلونکي کې یې د هر اړخیز ملاتړ او همکارۍ ډاډ ورکړ
په پای کې د ښاروالۍ والیبال لوبډلې غړو له ښاروال او د ښاري حکومتولۍ آمریت څخه مننه وکړه، چې وخت پر وخت ورته د تمریناتو او سیالیو لپاره مناسبې اسانتیاوې برابروي
