د مهترلام ښاروالۍ د فعالیتونو، د ښار روښانه کولو او ښاریانو ته د کاري زمينې برابرولو دوام
د مهترلام ښاروالۍ له داخلي عوایدو د لومړۍ او پنځمې ناحیو اړوند د ده مَلخ له پله څخه تر قرارګاه پورې د برېښنايي تنویري پایو ترمیم ترسره کېږي
مهترلام ښاروال الحاج مولوي رحمت الله شهامت وویل، چې یاده پروژه د ښاروالۍ له داخلي بودجې د څه کم دوه میلیونه افغانیو په ارزښت ترسره کېږي، چې نن یې له ګټونکي شرکت مسؤل سره قرارداد لاسلیک شو
نوموړي وویل، په یاده پروژه کې به په ورځني ډول شاوخوا لس کسانو ته د کار روزګار زمینه هم برابره شي
همداراز ښاروال د قرارداد پرمهال د شرکت مسؤل ته د ښه معیاري کار کولو سپارښتنه وکړه او له نوموړي یې غوښتنه وکړه چې کارونه د دوو میاشتو په موده کې ترسره کړي
د یادونې وړ ده چې د تیر کال په پرتله سږکال د مهترلام ښاروالۍ د بیارغونې کارونه زیات شوي چې ډیری خلکو ته پکې د کار کولو زمینه هم برابره شوې ده
