د مهترلام ښاروالۍ اداري ناسته ترسره شوه
د مهترلام ښاروال الحاج مولوي نظر محمد عتیق په مشرۍ د ښاروالۍ له امرینو او مدیرانو سره نوبتي اداري ناسته ترسره شوه، چې په یاده ناسته کې د ښاروال له لوري د کارونو پر شفافیت او د مراجعینو ستونزو ته په وخت رسیدنه ټینګار وش
په ناسته کې ښاروال ټول ګډونوال خپلو مسؤلیتونو ته متوجه کړل او له ټولو امرینو او مدیرانو یې وغوښتل، چې د ښه همغږۍ له مخې خپلې چارې په منظم او مؤثر ډول ترسره کړي، څو ښاریانو ته غوره خدمات وړاندې شي
نوموړي همداراز له امرینو او مدیرانو وغوښتل، چې د مراجعینو ستونزو ته په وخت رسیدنه وکړي او د خلکو کارونه پرته له ځنډ او خنډ څخه پرمخ یوسي
د مجلس په پای کې د ښاروال له لوري یو شمېر امرینو او مدیرانو ته مشخصې دندې وسپارل شوې، څو تر راتلونکې اداري ناستې پورې د ترسره شوو کارونو راپور د ښاروالۍ له مقام سره شریک کړي
