د پنځمې ناحيي ګذر وکیلانو خپلې ستونزې له ښاري حکومتولۍ آمریت سره شریکې کړې
د مهترلام ښار اړوند د پنځمې ناحيي اړوند د مختلفو ګذرونو وکیلانو خپل د ګذرونو ستونزې د ښاري حکومتولۍ له آمر الحاج عباس عمري سره شریکې کړې
ګذر وکیلانو په پیل کې د مهترلام ښاروالۍ وروستي فعالیتونه وستایل او د ښار د نظم، پاکوالي او خدماتو د ښه والي په برخه کې یې د ښاروالۍ هڅې مثبتې وبللې او ترڅنګ یې د خپلو اړوندو ګذرونو یو شمېر شته ستونزې د حل په موخه د ښاري حکومتولۍ آمریت سره شریکې کړې، ترڅو ورته پر وخت او اساسي رسېدنه وشي
د ښاري حکومتولۍ آمر الحاج عباس عمري ټولو ګذر وکیلانو ته د ښه راغلاست ترڅنګ ښاروالۍ د ټولو ګډ کور یاد کړ او وې ویل چې د ښاروالۍ دروازه د ټولو اوسیدونکو پرمخ خلاصه ده او ټول خلک کولای شي چې خپلې ستونزې ورسره شریکې کړي
د مجلس په پای کې د ښاري حکومتولۍ آمر ټولو ګذر وکیلانو ته ډاډ ورکړ چې ستونزو ته به یې په وخت رسیدنه کوي
