د مهترلام ښاروالۍ له لوري د ۱۰ زره نیالګیو کینولو لړۍ پیل شوه

web_admin
Wed, Feb 14 2024 7:32 AM

مهترلام ښاروالۍ د مهترلام ښار د سمسورتیا په موخه د لس زره نيالګېو کينولو کمپاین پیل کړ

 په یاد کمپاین کې د لغمان مرستیال والي الحاج مولوي اختر محمد مزمل سربیره، مهترلام ښاروال الحاج مولوي رحمت الله شهامت د چاپیریال ساتنې رئیس حاجي احمد شاه ابراهیم، د ښاروالۍ امرینو، مدیرانو، مامورینو او د یو شمیر نورو ادارو رئیسانو، ګذر وکیلانو، کارمندانو قومي مشرانو او ځوانانو ګډون کړی ؤ

مرستیال والي وویل: دا چې د اوسني نظام موخه او هدف وطن ابادول او سمسورول دي، هر څه یې په عمل کې ښودلې او نن مو د وطن د ابادولو یوه بله لړۍ پیل کړه چې د لغمان په ټولو ساحو کې به نیالګي کینول شي

مهترلام ښاروال وویل: د مهترلام ښار د زرغونتیا په موخه د ښاروالۍ له بودیجې سږکال د مهترلام ښار په پنځه واړه ناحیو، پارکونو، او ګلدانیو کې لس زره نیالګي کینوي، چې په یادو نیالګیو کې به میوه لرونکي او غیرې میوه لرونکي بوټي شامل وي

 نوموړي زیاته کړه، د تیرکال په پرتله سږکال درې برابره نیالګي کینول کیږي، تیرکال ۳۰۳۲ نیالګي کینول شوي چې ښه پالنه او ساتنه یې شوې ده

 د مهترلام اوسیدونکو او نبات پيژندونکو د ښاروالۍ رياست دغه کړنه وستايله او زیاته یې کړه چې په دې سره به مهترلام ښار نور هم زرغون شي، د اکسیجن تولید به زیات شي، ناروغۍ به کمې شي او چاپیریال به ورسره پاک شي

د یادونې وړ ده چې د مهترلام ښاروالۍ له لوري د مهترلام ښار په مختلفو برخو کې د بیا رغونې کارونه روان دي چې ډیری خلکو ته پکې د کار زمینه برابره شوې ده

 ۱۴۰۲/۱۱/۲۵

مهترلام_ښاروالۍ_مطبوعاتو_دفتر

Latest news

Sun, Nov 30 2025 6:31 AM
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

Sun, Nov 30 2025 6:26 AM
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

Thu, Nov 27 2025 8:04 AM
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS