د ښاري حکومتولۍ امریت له لوري د پنځمې ناحیې په لومړي ګذر کې د عامه پوهاوي شورا جوړه شوه
د مهترلام ښاروالۍ د ښاري حکومتولۍ امریت له لوري د پنځمې ناحیې اړوند په لومړۍ ګذر کې د پاک چاپېریال د ساتنې او د خلکو د عامه پوهاوي د کچې لوړولو په موخه د عامه پوهاوي یوه فعاله شورا جوړه شوه
یاده شورا د ښاري حکومتولۍ د امر الحاج عباس عمري په مشرۍ، او د همدې ګذر د وکیل ښاغلي شاهد الله فیضي په همکارۍ د سیمې د استازو او مخورو له لوري جوړه شوه، چې دا شورا به د ګذر په کچه د چاپېریال ساتنې او ښاري نظم د ټینګښت لپاره کار کوي
د شورا د جوړېدو په غونډه کې د ښاري حکومتولۍ امر له لوري هر نماینده لپاره مشخص مسؤلیتونه وټاکل شول، څو دوی وکولای شي په خپلو سیمو، کوڅو او کورنو کې د نظافت ارزښت په اړه خلکو ته عامه پوهاوی ورکړي، همداراز پرېکړه وشوه چې د چاپېریال د ککړتیا د مخنیوي، د کثافاتو د منظم راټولونې، او د ښاري اصولو د رعایت په برخه کې به دا شورا دوامداره فعالیتونه ترسره کوي
د مهترلام ښاروالۍ رهبري د یاد ګذر له ټولو اوسیدونکو څخه غواړي چې له یادی شورا سره همکاري وکړي او د یو پاک، منظم او ښاري ژوند د تضمین په برخه کې خپله مدني ونډه ترسره کړي
